ننګرهار کې د سړک غاړې ماين مرګ ژوبله اړولې ده

223

په ننګرهار کې د سړک غاړې ماین چاودنې چې طالبان يې په نخښه کړي، لږ تر لږه دوه ملکي وګړي وژلي دي. د معلوماتو له مخې په دې پیښه کې څلور تنه نور ټپيان شوي دي.

    

Afghanistan Anschlag in Ghazni 

طالبانو او سيمه يزو روغتيايي چارواکو ويلي چې د يوه ماشوم په ګډون لږ تر لږه دوه تنه ملکيان په دغه بريد کې وژل شوي دي.

د سيمې د پوليسو مشر، عصمت الله مبارز، وويل چې د طالبانو د يوه موټر په تېرېدو سره دوه بمونه والوتل چې طالبانو ته پکې مرګ ژوبله نه ده اوښتې.

تر اوسه پورې هيچا سملاسي د بريد مسئيوليت نه دی منلی، خو د افغانستان په ختيځ کې د داعش ډله ډېره فعاله ده.

د اسلامي دولت ډله یا داعش په دې وروستيو کې پر طالبانو باندې پر له پسې بريدونه تر سره کړي دي. د يوه روغتون سيمه يز چارواکي وويل چې دوه مړي او څلور ټپيان تر چاودنې وروسته همدغه روغتون ته انتقال شوي دي. هغه د نوم نه اخيستلو په شرط خبرې کولې ځکه چې له رسنيو سره د خبرو اجازه نه وه ورکړل شوې.

په دې وروستيو کې افغانستان کې د داعش د پراخېدو نخښې موجودې دي چې د افغانستان په شمال، جنوب او پلازمېنه کابل کې يې بريدونه تر سره کړي دي. دا چې دغه ډله د بریدونو د تر سره کولو وړتيا لري، نو د طالبانو پر دې قابليت شک هم موجود دی چې کولی شي په جګړه ځپلي هېواد کې امنيت او ثبات تامين کړي.

تېره اوونۍ داعش د افغانستان په جنوب کې د شيعه ګانو په يوه جومات د بريد مسئوليت منلی وو چې ۴۷ تنه پکې وژل شوي ول او تر هغه مخکې یې په کندز ولایت کې هم یوه خونړۍ چاودنه کړې وه.

دویچه ویله

Comments are closed.