يوې ښځي د امتحان پر وخت ماشوم وزېږاوه، خو بيا يې هم امتحان ورکړ

0 229

يوې زده کوونکې په ګينېا کې نه غوښتل چې څوک يې په وروستيو ازموينو کې له ګډون څخه مخه ونيسي. حتی خپل ماشوم يې هم چې د امتحان پرمهال يې وزېږاوه.

 Symbolbild Blutttest Schwangerschaft (picture-alliance/BSIP)

ميندواري ۱۸ کلنې فاتوماتا کوروما کوندې د ګينېا د ختيځ په مامو ښار کې خپل د فزيک امتحان ورکاوه. ازموينې ته د کښېناستو پر مهال دا په ځان پوهه شوه چې لږ وروسته ښايي ماشوم و زېږوي.

دغه ځوانه ښځه روغتون ته ولېږدول شوه او په لسو دقيقو کې يې ډېر ژر هلک وزېږاوه. دغه ځوانه ښځه څلويښت دقيقې وروسته بيرته د ازموينې خونې ته ستنه شوه او خپل مېز ته کښېناسته چې د هغې د فاميل تر څنګ يې د امتحان د څارنې مسئولين هم هک پک حيران کړل.

ځايي رسنيو دغه کيسه لومړی خپره کړه

د هغې دغه کيسه لومړی د ځايي رسنيو له خوا خپره شوه، خو د فزيک د ازموينې ځايي مشر هم هغه تائيد کړه. مېرمن کوندې د فرانسې خبري اژانس ته ويلي دي چې خپل مېړه ته يې آن دا ويلي نه ول چې د کوچني زېږېدو ته يې ډېر لږ وخت پاته دی.

د هغې ويره دا وه چې ښايي مجبوره شي چې په کور کې پاته يا ډاکتر ته ولاړه شي. د هغې په خبره «ما تصور نه شوای کولی چې له دغه وروستي امتحان څخه تېره شم، چې ټول کال مې ورته درس ويلی وو.»

د کوندې مېړه پوليس دی چې د يوه دوست په حواله ‌يې ډېر خوشحاله دی او هر چا ته د خپلې «پياوړې مېرمنې» کيسه کوي. نوموړي دا هم ويلي دي چې «موږ خدای ته دعا کوو چې فاتوماتا به خپل فراغت تر لاسه کړي.»

هغوی غواړي پر هلک باندي د «اېسپوار» نوم کښيږدي چې په فرانسوي ژبه کې د هيلې او اميد معنی ورکوي.

dw.com

Leave A Reply