برېښنايي نېکر

0 272

د منډې وهلو پر مهال د هر یو پښې کمزوري پیدا کوي، خو په امریکا کې انجینیران داسې برېښنايي نېکر جوړ کړی د تګ، منډې وهلو او پر لوړه د ختلو پر مهال پښو ته قوت بښي.
په اوماها کې د نبراسکا پوهنتون انجینیر فلپ ميلکم او د هغه ملګري وايي، دا برېښنايي نېکر د عادي تګ پر مهال نهه سلنه او د منډې پر مهال څلور سلنه مرسته کوي.
که څه هم مخکې دا ډول نېکرونه جوړ شوي وو چې له منډه وهونکیو سره به یې مرسته کوله، خو دا لومړی ځل دی چې د نوې ټکنالوژي په مرسته جوړ شوی.
فلپ ميلکم وايي، دا ډول نېکرونه د سپورټ‌مینانو تر څنګ د اور وژنې له ډلې او عسکرو سره د جګړې پر مهال ښه مرستندویه ثابتېدلای شي.
دا نېکر پنځه کېلو ګرامه وزن لري او د منډې پر مهال له دواړو ورنونو او د ملا له تیر تړل کېږي چې د یوې ځانګړې پټۍ په مرسته د تګ پر مهال پښو ته توانايي ورکوي.
په دې روبوټیک نېکر کې یو سېنسر لګول شوی او اتومات په خپله مالومات تر لاسه کوي چې د دې نېکر اغوستونکی اوس منډه وهي او که عادي تګ کوي.

Leave A Reply