تر دې وروسته به د سړک پر غاړه خوب کوو

0 758

په لویو ښارو کې تر ټولو لویه ستونزه ټرافیکي ازدحام او همدا ډول د موټرونو غږونه وي، دا ستونزه یوازې په افغانستان کې نه ده، بلکې په نړۍ کې پر یوې جدي موضوع بدله شوې ده، خو خلک ورته لاس تر زنې ناست نه دي، بلکې ډول ډول کارونه یې کړي چې حل لار ورته پیدا کړي.
د مشي‌ګن پوهنتون څېړونکیو داسې یوه مانع اله یا خنډ جوړ کړی چې کولای شي ټرافیکي شور ۹۰ فیصده را کم کړي.

که څه هم د لويو لارو پر سر په جوړو کورونو کې د موانعو اېښودو تجربه تر ډېره ناکامه شوې ده او همدا ډول هغه موانع چې سوري په کې و، کېښودل شول چې غږونه را کم کړي، مګر بیا یې هم کومه خاصه پایله ور نه کړه.

اوس دوو پروفیسورانو له الومونیم څخه داسې یو څادر جوړ کړی چې له ښې لاسه چپ لور ته په دریو کتارونو کې په‌کې د پاڼو په شکل سوري ایستل شوي چې له مخې به یې د غږونو په کنټرول کې ۹۰ فیصده مرسته وکړي.

د دې موانعو جوړونکیو پروفیسور کون ویل وانګ او منوج تهوډا وايي، که چېرې دا اپلیکېشن ډوله خنډ هغه ډول چې دی، وکارول شي، یا هم سمه ګټه ترې پورته شي، د موټرو له غږونو به نړۍ په امان شي.

سرخط ورځپاڼه

Leave A Reply