که مو په ستوني کې د کب اغزی بند شو، داسې وکړئ؟

0 628

کبان به مو ډېر خوړلي وي، په کابل کې په ځينو رسټورانټو کې، د کندهار په دهله کې يا د ننګرهار په درونټه کې او خامخا به مو په ستوني کې د کب اغزی بند شوی وي چې بيا به يې ښه په تکليف کړي ياست، خو راځئ نن په سرخط کې ولولئ چې که بيا داسې وشول، نو څه به کوو؟

وټوخېږئ؛
لومړی کار چې باید وکړئ، په زوره وټوخېږئ او یا هم د پرنجي د راوستو هڅه وکړئ. دا لاره مرسته کولای شي چې لږ تر لږه اغزی له ستوني لېرې کړي.

د زیتونو تېل وڅښئ؛
که ټوخي او یا هم پرنجي کار ور نه کړ، ښه ده چې د زیتونو تېل یوه خوله وڅښئ، ځکه هغه ښه غوړ لري او کولای شي چې ستونی مو غوړ او ژر ترې د ماهي د غوښې لشکه لاندې تېره شي.

سرکه وڅښئ؛
یوه بله غوره لار هم د سرکې څښل دي، خو پام کوئ، ځینې سرکې لکه تېزاب داسې دي، مانا په اندازه او له مېکس سرکې ګټه پورته کړئ.

ډبل ډوډۍ وخورئ؛
ډبل ډوډۍ له ګرمو اوبو او یا هم شیدو سره وخورئ، اغزی لاندې ښکته کولای شي، خو که په دې هم و نه شوه، بیا ښه ده چې ډاکټر ته ولاړ شئ او له یوې طبي لارې ګټه پورته کړئ.

سرخط ورځپاڼه

Leave A Reply