د بيت المقدس په اړه پرېکړې دا نجلۍ وژړوله

0 872

وروسته له هغه چې د متحده ايالاتو ولسمشر ډونلډ ټرمپ بيت المقدس د اسراييلو د پلازمېني په توګه په رسميت وپېژانده، د امريکا وتلې ماډلې بيلا حديد په لپو لپو اوښکې توی کړې.
دې پر خپله انسټاګرام پاڼه وليکل، د فلسطينيانو درد او د بيت المقدس په اړه په ټلوېزيون روانو خبرونو دا په ژړا کړې ده.

دې ليکلي، د فلطسين ماشومان، ښځې او سپين ږيري يې سترګو ته ولاړ دي او دومره ځورېدلې چې حتا ليکل هم نه شي کولای.
د حديد په خبره، بيت المقدس د ټولو دينونو د پيروانو کور دی او دغسې ظلم ورسره په هيڅ توګه د منلو نه دی.

دا وايي، ټرمپ د نورو ملتونو پر حق پښې ږدي او له زوره کار اخلي، چې دا ښه نه کوي.
بيلا حديد وايي، تر مرګه به د فلسطينيانو په خوا وي.

سرخط ورځپاڼه

Leave A Reply