دې ځوان اتلس کاله هارن نه دی وهلی

0 548

که هند ته تللي ياست، نو پر سړکونو به مو د موټرو اوږده کتارونه خامخا ليدلي وي.
هلته د موټرو دومره بېروبار وي چې پر سړکونو موټرونه بمپر په بمپر روان وي او ټولو موټر چلوونکيو د موټرو پر هارن ګوته ايښې وي.
دوی د موټر د بغل هندارې بېخي نه کاروي، ځکه خو نو نه شپه ګوري او نه ورځ، بس همدا هارنونه دي چې خلک يې لېوني کړي دي.

خو د دوی په منځ کې يو داسې موټروان هم شته چې په دا اتلس کاله په هند کې موټر چلوي، خو تر اوسه يې هارن نه دی وهلی.
دغه موټروان ديپک داس نومېږي او تر بس موټر چلولو وړاندې په هند کې د ځينو محترمو کسانو موټروان هم پاتې شوی دی.

ده نه هغه مهال او نه اوس چې بس موټر چلوي، د موټر هارن ته ګوتې ور وړې دي.
ده په خپل بس کې يو ليکل پيغام ځړولی چې پرې ليکلي، د هارن په کيسه کې مه اوسئ، زه ستاسې زړه ساتم.
اوس تازه هند دغه موټروان ته د ښه سړيتوب انعام ورکړی دی.

سرخط ورځپاڼه

Leave A Reply