فېسبوک ومنله چې تاواني دی

0 503

په لومړي ځل د نړۍ د ټولنیزو رسنیو تر ټولو مخکښ وېب‌سایټ فېسبوک اعتراف وکړ چې تر يوه حده د ټولنیزو رسنیو کارونه زیان لري.
فېسبوک وايي، تر ډېره ټولنیزې رسنۍ په دې نه دي توانېدلې چې ټولنه سم لور ته رهبري کړي او همدا ډول سم مالومات وړاندې کړي، بلکې په دې رسنیو کې ځينې داسې موضوعات هم شریکېږي چې اصلا حقیقت نه لري او په عامه ذهنیت منفي اغېز لري.

د فېسبوک اداره وايي، ټولنیزو رسنیو ان ټولنه لېونۍ کړې او پر ځای د دې چې اصلي ستونزو ته رسېدنه وکړي، یوازې تر همدې ځای پورې خپلې هڅې محدودوي.

فېسبوک وايي، په دې خبره بښنه غواړي چې ټولنه یې له خپل اصلي وضعیته بې خبره کړې او یوازې یې د یوې وړې اړیکې زمینه برابره کړې.
د فېسبوک د څېړنې مدیر ډېویډ ګنجزبرګ دا هم ویلي، د سکې بل مخ هم شته او هغه دا چې په یو شمېر برخو کې ټولنیزې رسنۍ ګټې هم لري، مګر اړتیا ده چې د لږو ګټو له‌پاره هغه څه قرباني نه شي چې باید کار پرې وشي.

سرخط ورځپاڼه

Leave A Reply