پاکستان د ترهګرۍ د تمويل په خړ لېسټ کې پاتې شو

0 59

د پيسو سپينولو د مخنيوي نړيواله اداره يا FATF وايي، داسې نښې نښانې نه دي ليدل شوي چې پاکستان دې په سيمه کې د ترهګرۍ له تمويل لاس اخيستی وي او له همدې کبله يې پرېکړه کړې چې دغه هېواد تر يوې مودې نور هم د ترهګرۍ د تمويل په تور په خړ لېسټ کې پاتې شي.

يادې ادارې په دې اړه خپله اعلاميه کې ويلي، پاکستان د ځان سپيناوي په هدف د FATF ۲۷ شرطونو له ډلې پر ۲۱ هغو عمل کړی، خو زياته کړې يې ده چې د پاتې نور شرطونو عملي کولو لپاره د ۲۰۲۱ کال تر فېبرورۍ مهلت ورکړل شوی دی.

پاکستان په سيمه کې د ترهګرو ډلو د تمويل له امله د ۲۰۱۸ کال له جنون را په دېخوا د پيسو سپينولو د مخنيوي نړيوالې ادارې يا FATF په خړ لېسټ کې شامل شوی دی. و پاکستان د تل په څېر دا ادعاوې رد کړي او له ترهګرۍ سره د مبارزې په برخه کې يې ځان قرباني هېواد بللی دی.

دې لېسټ ته هغه هېوادونه ور اچول کېږي چې د ناقانونه پیسو د انتقال او د ترهګرۍ د تمویل سرچینو په وچولو کې کمزوري بلل کېږي.

Leave A Reply

Your email address will not be published.