پاکستان ولې نه غواړي، چې افغانستان د ارامۍ ساه واخلي،او پرمختګ وکړي؟

هلمند پردېس

268

پاکستان ولې نه غواړي،چې په افغانستان کې پوځ په خپلو پښو ودریږي،اقتصادي پراختیا،او سیاسي ثبات په کې رامنځ ته شي؟
له ډیر علتونو يې یو علت د کرنل امام له خولې روايت دی،چې د احمد رضوان تاړر (دافغانستان جهاد داستان) نومي کتاب کې ورته اشاره شوي ده، خپله کرنل امام وايي:
«چې د افغانستان پوځ ، او حکومت په پښو اودریدو او افغانستان کې اقتصادي پراختیا، سیاسي او پوځي ځواکمنتیا د دې لامل کيږي، چې د دې سیمې په اړه هره سیاسي معادله کې د پآکستان پر ځای افغانستان ته ځای ورکړل شي.»
(کتاب:د افغانستان د جهاد داستان،ليکوال:احمد رضوان تاړر،ترجمه:علي يوسفزی،مخ:۲۲)

دوهمه موضوع یې د ډیورند توره کرښه ده،چې د کرښې دواړه خواوې پښتانه او ټول افغانستان یې هر وخت ډېر لوړ قیمت پرې کوي.
که لنډ او کم ووایم، افغانان نن سبا باید د تاریخ لوری بدل او جوړ کړي،دوی مجبور دي،چې تر اخيري مرمۍ وجنګږي،ځکه‌چې دښمن دې ځل بيا هم غواړي،چی د افغانستان پوځ او حکومت ړنګ،اقتصادي پراختيا او سياسي ثبات يې له منځه يوسي،افغانستان يو ځل بيا د‌ ډبرو زمانې ژوند ته وروګرځوي،نو افغانان دې ځل مجبور او مکلف دي،چې دښمن ته غاښ ماتوونکی ځواب ورکړي، تر څو دښمن پوه شي، چې افغانان دې ځل نه ماتیږي، اوبس

Comments are closed.