بختور به داسې بالښت لري

0 321

ځینو کسانو ته په ځوږ، روښانه ګروپ، موټر کې د سفر پر مهال او نورو بېلابېلو لاملونو له کبله ډېر اسانه خوب نه ور ځي، خو ځینې بیا داسې وي چې د ډېرې اندېښنې له کبله تر سهاره پورې په رڼو سترګو ستوري شماري.
خو دوی دې نور اندېښنه نه ‌کوي، ځکه ساینس‌پوهانو د دوی د اندېښنې ختمولو لپاره داسې روبوټیک بالښت جوړ کړی دی چې په غېږ کې یې ټینګ ونیسي په څو شېبو کې به ورته خوب ورشي.
په مصنوعي ځیرکتیا سمبال دا روبوټیک بالښت موسیقي اوروي، سندرې درته غږوي، د زړه درزا اوري او د دې تر څنګ داسې طبیعي غږونه کوي چې په مرسته یې خوب درولي.
د سوم نوکس په نوم دا بالښت په نیدرلينډ کې د ډیلفټ پوهنتون زده‌کوونکیو جوړ کړی او اوس ‌مهال په بازار کې هم پیدا کېږي چې له نارامه خوب لرونکیو کسانو سره ښه مرسته کولای شي.
دا بالښت نه یوازې د انسان د زړه درزا کنټرولوي او خوب ورولي، بلکې کله چې یې خوب پوره شي، له خوبه یې هم پاڅوي چې خپلو کارونو ته ورسېږي.

Leave A Reply