تر دې وروسته به مو پاسورډ په لستوڼي کې وي

0 629

په سرخط کې به مو ډېر راپورونه لوستي وي چې ځينې د ټيکنالوجي وسايل د ګوتې په لګولو درته پرانيستل کېږي، د ځينو پاسورډ ستاسې په سترګو کې وي، ځينې مو څېره پېژني او ځينې نور بيا په بله لار درته پرانيستل کېږي، خو راشئ نن دا ولولئ چې له لستوڼي هم د پاسورډ کار اخيستلای شئ.

کیسه داسې ده چې په واشنګټن کې څېړونکي د یوه داسې کميس یا شرټ په جوړولو بریالي شوي چې نه بېټرۍ لري او نه نور برقي توکي، خو کولای شي چې ستاسې پاسورډ خوندي کړي.
دا لستوڼی د میګنیومیټر په وسیله لوستل کېږي، هغه چې له وړاندې لا ستاسې په ټلېفون کې شته.

کولای شئ چې د دې پاسورډ په وسیله، دروازه، ټلېفون، کریډیټ کارډ او نور ډول ډول وسایل خوندي وساتئ او یوازې هغه مهال یې پرانېزئ چې دا لستوڼی ورسره مخ کړئ.

لومړی به خپل پاسورډ په همدې فیتې شکل لرونکي ټوټه کې ځای پر ځای کوئ او بیا وروسته له دې چې هر ډول برېښنايي توکي ته یې نږدې کړئ، س‌مدلاسه درته پرانیستل کېږي.

سرخط ورځپاڼه

Leave A Reply