سوناکشي سنها: نه غواړم ژر واده وکړم

0 2,409

د هندي سينما دبنګ ممثله سوناکشي سنها ويلي دي، چې نه غواړي ژر واده وکړي، ځکه چې تراوسه پورې ورته دا هم نه ده معلومه، چې څه ډول سړي سره به واده کوي.

د هندي سينما د راپورونو له مخې، د هندي سينما له مشهورې اداکارې سوناکشي سنها نه چې کله د يوې مرکې په وخت وپوښتل شو، چې واده به کله کوي؟

نو هغې يې په ځواب کې وويل، چې زما د واده په اړه کوم خبرونه خپاره کېږي، دا ټول درواغ دي، زما ژر د واده کولو هيڅ اراده نشته، ماته خو تراوسه دا هم نه ده معلومه چې څه رنګ هلک سره به واده کوم.

نوموړې زياته کړه، چې څوک زما د واده په اړه درواغ خبرونه خپروي، هغوى پرېږدئ چې خپروي يې، ځکه چې د دې خلکو کار خبرې جوړول دي.

سوناکشي وويل چې په ((نچ بليى)) کې د جج په توګه په کار کولو ډېره خوشحاله يم، ځکه چې د نڅا سره ډېره مينه لرم او نڅا مې سخته خوښه ده، او په نڅا کې مې د اداکار شاهد کپور او دپيکا پاډوکون د نڅا انداز ډېر خوښېږي.

Leave A Reply