پوهېږئ د بوبي‌دېول هنري ژوند چا ور تباه کړ؟

0 855

که د دېول کورنۍ په اړه مو لوستي وي، نو په دې به حتما خبر یاست چې بوبي دېول د دې کورنۍ تر ټولو نازولی کس دی.
تر دې چې ان په یوه جوړه کالیو پسې تر دوبۍ او سنګاپوره هم ځي، خو په ټول کور کې یې د مخنیوي څوک نه شته، ان چې پیسې هم پسې د پاسه ورکوي چې ولاړ شي.

خو هغه چې په دې وروستیو کلونو کې یې کوم فلم بریالی شوی نه دی، د خپلو بربادیو ټوله پړه پر کرینه کپور ور اچوي.
بوبي دېول په خپله یوه تازه مرکه کې ویلي، یو مهال فلم جوړوونکي امتیاز علي غوښتل چې په جب‌ وي‌ میټ فلم کې دی او کرینه کپور کار وکړي، خو کرینې کپور د دې کار مخنیوی کړ.

بوبي دېول وايي، لوی ارمان یې و چې د امتیاز علي په فلم کې کار وکړي، خو کرینې دا کار ځکه وکړ چې له شاهد کپور سره یو ځای ولوبېږي او بالاخره یې امتیاز علي دې ته قانع کړ چې شاهد کپور په فلم کې واخلي او ده ته نه ووايي.
بوبي دېول وايي، د هنري ژوند زوال یې له هماغې ورځې پیل شو او تر ننه روان دی.

دېول دا خبرې داسې مهال کوي چې د هغه یو تازه فلم پوسټر بوایی نندارې ته وړاندې شوی، خو مزه یې نه شته.

سرخط ورځپاڼه

Leave A Reply