د عمران خان مېرمن عمران عباس ته ورغلې

0 915

د پاکستان د تحریک انصاف ګوند مشر عمران خان خو به پېژنئ. ده له خبریالې او فلم جوړوونکې ریحام خان سره یوازې د څو مياشتو له‌پاره واده وکړ او بېرته ورڅخه ولاړه.

اوس د ریحام خان په اړه تازه خبره دا دی چې هغې اوس یو ځلې بیا فلم جوړولو ته مخه کړې ده او د لالیووډ یا د پاکستانۍ سېنما له یوه ستوري عمران عباس څخه یې غوښتي چې د هغې په فلم کې کار وکړي.

ریحام خان په عمران عباس پسې ګوالمنډۍ ته تللې، چېرته چې هغه د نورالعین په نوم د یوې اردو ډرامې په عکس‌بندي اخته و.
عمران عباس هم د خان د پخوانۍ مېرمنې زړه مات نه کړ او په اول ځل یې خبره ومنله.

تر اوسه لا مالومه نه ده چې د دې فلم کیسه څه ده او کله به یې عکس‌بندي کېږي، خو ریحام خان ویلي، په نړیواله کچه به ځلېدلی فلم جوړ کړي، په داسې حال چې پاکستاني فلمونه لا دننه په خپله پاکستان کې څوک نه ګوري او لومړیتوب بالیووډ ته ورکوي.

سرخط ورځپاڼه

Leave A Reply