لیلا بهنسالي په بله بلا واوښت

0 549

د ملا هبة الله، ایمن‌الظواهري او ابوبکر بغدادي په اړه خو به مو اورېدلي چې وي چې خورا خطرناک ترهګر دي او امريکا ورباندې انعام ايښی دی چې که چا په لاس ورکړل، يا يې ووژل، نو پرېمانه پيسې به ورکوي، خو راځئ نن په سرخط کې د يو فلمي سړي پر سر له انعامه خبر شئ.

کیسه داسې ده چې د پدوماتي فلم لارښود او مالک لیلا بهنسالي په خپل دې فلم کې د راجپوت قوم یوه مشهوره کیسه را پورته کړې، که څه هم دا فلم په ځلونو د همدې قوم د مشرانو له‌خوا وکتل شو او بیا اجازه ورکړل شوه چې خپور شي، خو اوس د راجپوت قوم یوه مشر ویلي، که هر چا د لیلا بهنسالي سر له تنې پرې کړ، ۵ کروړه هندۍ روپۍ به انعام ورکړي.

دې قومي مشر ویلي، په دې فلم کې د راجپوت قوم د ژوند مهم اړخونو پټ شوي او یوازې یوه څو برخې راپورته شي چې هغه هم په هغه ډول نه دي چې باید انځور شوې وای، له همدې کبله دوی دا فلم د خپل قوم توهین ګڼي.

Leave A Reply