پوهېږئ اکشې کمار له کومه ځايه سفر پيل کړی؟

0 528

د هندي سېنما ډېری ستوري داسې دي چې د نورو غوندې چانس په لاس نه دی ورغلی او په توکلي توګه سېنما ته نه دي راغلي، بلکې تر ډېرو سختیو تېر شوي.
د ډېرو ستورو د ژوند کیسې داسې دي چې ویې لولئ، لومړی خو ورته ښه خفه شئ، خو وروسته یې چې بریالیتوب وګورئ، د عبرت او زحمت یوه درس هم ترې اخیستل کېږي.
یو له دوی اکشې کمار دی.

که څه هم اکشې کمار اوس‌ پر یوه فلم کروړونه روپۍ اخلي او هر کال یو فلم جوړوي، مګر مینه‌وال به یې هغه مهال سخت حیران شي چې له دې خبر شي چې اکشې په خپلو لومړیو دوو فلمو څومره حق‌الزحمه تر لاسه کړې وه.
اکشې په یوه مرکه کې دا ځواب ویلی او دا خبره هم کړې چې دی لومړی یو موډل او وروسته یو ستوری شو.

اکشې کمار وايي، لومړی په جو جیتا وہي سکندر فلم کې د کار کولو چانس په لاس ورغی، مګر وروسته چانس ور نه کړل شو.
اکشې کمار وايي، فلمونه یې د پیسو له‌پاره نه کول، ځکه پلار یې خزانه دار و او پیسې ورسره وې، خو زیاتوي، په لومړي فلم کې د معاوضې په توګه یوازې ۵ زره هندۍ روپۍ ورکړل شوې.

په دویم فلم کې دا پیسې ۵۰ زره او په درېیم کې بیا یو نیم لک روپیو ته ورسېدې، مګر اوس دا شمېر کروړونو ته رسېږي.
اکشی کمار په ۱۹۹۱۱ مېلادي کال کې بالیووډ ته راغی او اوس چې پنځوس کلن دی، لا یې هم پر بالیووډ راج چلېږي.

سرخط ورځپاڼه

Leave A Reply