مودي صاحب هم انوشکا ته نېکې هيلې ډالۍ کړې

0 562

د هندوستان صدراعظم نریندرا مودي د څو کارونو له کبله ډېره مشهور دی.
لومړی دا چې ډېر شیک پوشه دی، زموږ تر ډاکټر صاحب عبدالله عبدالله که ډېر نه وي، کم هم نه دی.

دویم جدي دی، هو یې هو او نه یې نه ده او درېیم بیا دا چې له بالیووډ او کریکټ سره ډېره مینه لري، د هيڅ یوې ستورې/ ستوري او کریکټر واده او یا هم د هغوی بلنه پر ځمکه نه غورځوي او که په ټوکو یې ووایو، کله کله نابللی هم ورځي.

تاسې به هم خبر شوي یاست چې د هندوستان د کریکټ د ملي لوبډلې لوبډل‌مشر ویرات کوهلي له هندۍ ستورې انوشکا شرما سره په ایټالیا کې واده وکړ، هني‌مون یې هله تېر کړ، خو اوس یې خوښۍ په هندوستان کې هم روانې دي.

هندوستان ته په راتګ سره یې په یوه پروګرام کې مودي صاحب هم ګډون کړی او په څو ساعته يې خورا په جوش او خروش تېر کړي دي.
د هند صدراعظم تر دې وړاندې هم د هندي ستوریو او کریکټرانو په ودونو کې او د خوښیو په مراسمو کې ګډون کړی او خپل زړه یې تش کړی دی.

سرخط ورځپاڼه

Leave A Reply