د ديا ميرزا مينه‌والو ته ښه خبر

0 819

د بالیووډ یا هندي سېنما ښکلې ستورې دیا میرزا چې یو مهال د اسیا او بیا د هندوستان د ښکلا ملکه وه، له شپږ کلني ځنډ وروسته یو ځل بیا هنري ډګر ته راغله.
دیا په ۲۰۰۱ مېلادي کال کې خپل هنري سفر د رهنا هې تېرې دل میں، له فلم څخه پیل کړ، هغه فلم چې هغه یې د شهرت لوړو پوړیو ته پورته کړه.

که څه هم دیا په ۲۰۱۴ مېلادي کال کې واده وکړ، مګر تر هغه وړاندې یې له ۲۰۱۱ مېلادي کال راهیسې ځينې علتونو پر هنري ژوند منفي اغېز کړی و.
تر اوسه دیا دې پوښتنې ته سم ځواب نه دی ورکړی چې ولې په دې کلونو کې په فلمونو کې کمه ښکارېده.
اوس دیا میرزا د سنجې‌دت په ژوند د جوړېدونکي فلم برخه ده او مرکزي رول به په‌کې پر مخ یوسي.

په دې فلم کې رنبیر کپور د سنجې‌دت په څېره را ښکاره کېږي او تر خوا یې بیا دیا میرزا د هغه د مېرمنې منایي تا رول لوبوي.
دیا میرزا وايي، خوښه ده چې د دې فلم برخه ده او هیله یې ښوولې چې ښه به ولوبېږي.

سرخط ورځپاڼه

Leave A Reply