زه افغان یم ! / عبدالغفور لېوال

0 367

هر هغه چا ته ډالۍ 
چې په ویاړ وايي :
زه افغان یم ! 
————–

هو ! ته افغان یې، ته افغان وې، لا افغان پاتې یې
ته زموږ د مینې د دې لوی وطن جانان پاتې یې

د خِطې ټول سکون پرست، سکوت پرست دې واوري
د ایشیا زړه له تا دربیږي، لا روان پاتې یې

د استعمار چاړه دې پڅه کړه، خو غوڅ یې نه کړې
زخمي زخمي یې، خو لاهسک پر دې میدان پاتې یې

چا ویل چې ستا له هرتیندک سره زه نه خوږیږم ؟
ته خو مې جانه ! لا هر درد لره درمان پاتې یې

دوښمن ته وایه د تاریخ عظمت مې څه له پوښتې؟
خپله ولاړ پر شېرشاهي سړک حیران پاتې یې

هو ! ستا لونګۍ ته په لُنګونو کې لینګي لړزیږي
چې ” لکه ونه مستقیم په خپل مکان” پاتې یې

ستا د هویت دا هسک قامت ته بوړبوکۍ نو څه دي
ځارشم افغانه، ته افغان وې، لا افغان پاتې یې

Leave A Reply