بصیر بیدار ستوری/راځي

0 229

زړه مې ‌‌‌‌‌‌ډک شي خامخا راته راځي
د وطن په حال ژړا راته راځي

ماته خوب له ویري نه راځي یریږم
چې ویده شم یو “بلا” راته راځي

پخوا ما هم هيڅ پروا یې نه لرله
اوس پروا د بې پروا راته راځي

د انسان په بې حسۍ مې زړه خفه شي
نو افسوس بې انتها راته راځي

دا حالت چې وینم سم لیونی کیږم
بس غوسه خو په ریشتیا راته راځي

ما بیدار لاس پورته کړی امن غواړم
خولې ته بس دغه دعا راته راځي

Leave A Reply