ولسمشرغني له امنیتي ځواکونو څخه مننه وکړه!

مطیع الله سحر

0 361

همدا اونۍ (شنبه) په ټول افغانستان کې د ولسشمریزو ټاکنو څلورم  پړاو ټاکنې  تر سره شوې، چې دا ټاکنې د تېرو ټولو ټاکنو په پرتله ډېرې منظمې، شفافې او سالمې تر سره شوې. د ټاکنو خپلواک کمېسیون چارواکو هم دا په تېرو ۱۸ کلونو کې تر ټولو منظمې او سمې ټاکنې وبللې. او په دغو ټاکنو کې هر هغه وګړي ګډون کړی و چې د رایې حق یې درلود او د ټاکنو دا بهیر په ښه بریالیتوب سره تر سره شو.

ولسمشر محمد اشرف غني له امنیتي او دفاعي ځواکونو څخه مننه وکړه.  چې د خپل ولس لپاره یې پوره امنیتي تدابير نیولي وو، تر څو هیواد وال یې په يوه ارامه فضا کې رایه اچونه تر سره کړي او هغه وېره یې له زړه څخه وځي چې دښمن به د ټاکنو مخه ونسیي او د رایې اچونې په مرکزو کې دې وحشیانه بریدونه وکړي. د دې هر څه لپاره زمونږه امنیتي او دفاعي ځواکونو پوره چمتوالی نيولی وو ځکه خو دښمن بریالی نشو چې دا لویه پروسه ګډه وډه کړي او له افغانانو څخه خپل حق واخلي.

ښاغلي غني امنیتي ځواکونو ته وویل چې تاسو واقعاً د دې هیواد اتل او زړور بچیان یاستئ او تر بل هر چا له هیواد او له ولس سره زیاته مینه لرئ. او نن تاسو خپله واقعي مینه ثابته کړه او دښمن ته مو خپل زور وښود چې مونږه هم کمزوري نه یوو.

د ټاکنو له تر سره کېدو مخکې هم امنیتي ځواکونو خپلو هیوادوالو ته دا خبر ورکړی و چې تاسو د رایې حق لری او ستاسو د دې حق د تر سره کولو لپاره مونږه هم پوره چمتووالی نیولی تر څو ستاسو دغه ملي حق در څخه څوک وانخلي. ولس هم چې پر خپلو امنیتي ځواکونو باور لري او د هغوی په دې خبرې سره لا خوشحاله شو او زړونه یې ډاډه شول چې زمونږه امنیتي او دفاعي ځواکونو زموږ د حق د تر سره کولو لپاره پوره امنیت نیولی دی او باید مونږه هم د خپل هیواد لپاره داسې یو شخص انتخاب کړو چې په راتلونکو پنځو کلونو کې د دې مظلوم ملت لپاره زیات کار وکړي.

له ټاکنو وړاندې طالبانو دا ګواښونه کول چې د ټاکنو پروسه به ګډه وډه کړي، هغوی افغانانو ته ډېر ګواښونه کول که چېرته ژوند غواړئ نو  د رایې ورکولو له مرکزونو څخه ځان لرې وساتئ، خو د خدای په فضل او امنیتي ځواکونو په پوره چمتووالي سره دغه ستره پروسه په ښه  بریالی توګه تر سره شوه، او ټول هیواد وال له خپلو امنیتي ځواکونو څخه منندوی دي.

Leave A Reply