د ادیانو تر مېنځ توپیر نه کوو!/ داکتر صلاح الدین سعیدی

0 464
د ادیانو تر مېنځ توپیر نه کوو!
كه دا خبر غير مسلمان وكړي چې یو مذهب پر بل مذهب برتري نه لري نو سمدلاسه یې دوه غلطې خبرې کړي. یو چې د مذهب او دین په فرق او توپير نه پوهیږي. او دوم چې تور او سپين ته سپين وايي. که مسلمان داخبر وکړي او ټول ادیان ( په غلطه مانا مذاهبو) كې تفاوت نه ویني او د خپل دین، د اسلام د دين پر برتریت متقاعد نه وي نو هغه ته د ننني مود پر بنیاد روشنفکر او دیموکرات ویل کیږي خو په واقعيت کې داسې کس کفري خبر کړې. که په خبر نه پوهیږي او ادیان ورته مساوي دي او دا تحلیل او توضیح یې ولوسته او بیا هم په خپله خبر ولاړ او کلک دی نو د اسلام نه وځي او یا پخوا وتلای. په دغه صورت کې که بیا هم ځان ته مسلمان وايي نو له سره دې د شهادت کلیمه ووایي. او حتی په هغه بل تعبیر که به د نکاح د تجدید مسأله هم مطرح شي. نو دقت په کار دی چې د کاذب دیموکرات او آزاد اندیش د لقب په تمه خپل آخرت خراب نه کړې. د نن ورځې بله ستره خطاء او د اسلام سره جفا داده چې بعضې ساده صادق مسلمانان فکر کوي چې اسلام د اسلامي حکومت د جوړولو وظيفه لري. داسې نه ده. اسلام انسان جوړوي او دا انسان او انساني ټولنه ده چې د خپلو ارزښتونو سره سم خپل حاکمیت او خپل ریاست جوړوي. نو هغوی چې د دیموکراسۍ او روشنفکرۍ تر نامه لاندې د نور ټولنو او اسلامي ټولنه کې د غیر اسلامي ارزښتونو او معیارونو تطبیقول غواړي په دیموکراسۍ خبر نه دي او هغه چې په غیر اسلامي ټولنه کې اسلامي حکومت غواړي په اسلام او دیموکراسۍ دواړو خبر نه دي. افراطيون او له اسلامه بې خبره جاهلان دي. وما علینا الا البلاغ المبین الله دې مونږ ته د نیکۍ هدایت وکړي
Leave A Reply