د وېښتانو يوه نوې، خو ساده درملنه / ژباړه؛ عصمت الله صالح

0 517

که مو وېښتان کمزوري وي او د دغه مشکل د هواري په لټه کې ياست، مه خپه کېږئ، ستاسې د وېښتانو درملنه ستاسې په کور کې کېږي.
د دې درملن له‌پاره مو پياز د وېښتانو په وده او پیاوړتیا کې خوندوره مرسته کوي.
په لومړیو کې ممکن د دغه بدبویه څيز استعمال خوند در نه کړي، خو که وروسته یې پر ګټو پوه شئ، ممکن په خپله پرېکړه کې بدلون راولئ.

که مو فکر کړی وي، کله چې مو وېښتان تويېږي، تر لږ وخت وروسته د سر پوستکی ترې ښکاري، خو مخکې تر دې چې ډېر وېښتان مو توی شي، ژر تر ژره یې د درملنې غم وخورئ. هر څومره چې ژر اقدام وکړئ، هغومره به مو د ډېرو وېښتانو د تويېدو مخه نیولې وي.

پياز له وېښتانو سره څه مرسته کوي؟
که اوس هم له ځانه پوښتئ چې ایا پیاز به په رښتیا هم وېښتان پياوړي کوي، ځواب به مو «هـو» وي.
ځکه چې په پيازو کې سلفر زیات دي. سلفر هغه ماده ده چې بدن ورته اړ دی، ځکه چې د وینې په صفايي او چټک جریان کې لوی لاس لري او له دې سره سره فولیکلونو ته هم وده ورکوي.

په دې سربېره پیاز د مکروبونو د له منځه وړلو وړتیا هم لري، د دې څیز دغه ځانګړتیا هغه مکروبونه هم له منځه وړي چې د سر په پوستکي کې ځای لري او د وېښتانو د تویېدو لامل کېږي.
همدا راز پیاز د کاتالایز په نوم چې د وېښتانو له‌پاره ګټور دی، یو ډول انزایم هم لري.

دغه انزایم د اکسیډان په څېر عمل کوي او د وېښتانو د سپینېدا مخه نیسي.
که غواړئ چې د وېښتانو د پیاوړتیا په خاطر د پیاز له دغه ځانګړتياوو ګټه واخلئ؛ نو د دغه څیز له اوبو استفاده وکړئ.

تر ټولو اسانه طریقه یې دا ده
لومړی پیاز ټوټې کړئ، بیا یې د میده کولو په خاطر، د ګډولو په ماشین کې واچوئ، وروسته یې دومره میده کړئ چې اوبه یې ترې بېلې شي.
وروسته لاس ته راغلې ماده په اوبو کې ویښوئ او یا یې نېغ په نېغه پر سر واچوئ، کله مو چې پر ټول سر واچوله وروسته له هغې مو ټول سر کلک کلک وموښئ او څه نا څه ماساژ ورکړئ.

که په دې ډول له پيازو استفاده وکړئ؛ نو په ډېر لږ وخت کې به مو د وېښتانو بېخونه پیاوړي شي او همدا راز به مو د خپلو وېښتانو د سپینېدو او تويېدو مخه نیولې وي.

سرخط ورځپاڼه

Leave A Reply