پاکستان د انزوا په لور / نجيب وطندوست

0 671

امریکا، هند او افغانستان د یوه کلک او جدی مثلث په توگه د پاکستان لپاره په دا تیر يو کال کې ډیر جدي او قاطع سیاستونه غوره کړل.

د امریکا او هند نږدېوالي او له هند سره د انرژۍ او اتومي همکاریو په برخه کې ګډې پروژې، له پاکستان ځني د افغان دولت څو ځلي ناامیدي او هند ته نږدیوالی، او د هند پوځي او بې سارې اقتصادي وړیا مرستې، پاکستان داسې وضعیت کې راگیر کړی چې اوس یې نو يوازینۍ لاره یا هم د ترهگرو په خاصه توگه د حقاني شبکې ځپل دي او یا هم نړیوالې گوښه والي ته تلل.

يو کال وړاندى د امریکا په سنا جرګه کې د بهرنیو اړیکو د کمیټې مشر او د افغانستان لپاره د امریکا خاص استازي ریچارد السن په ډیر صراحت سره وویل چې پاکستان دوه انتخابه لری، یا د ترهگرو ځپل او یا هم نړیواله انزوا!

د سنا مجلس دا استماعیه غونډه پداسی حال کي وشوه چې ولسمشر غنی د هند په سفر بوخت او هند د افغانستان سره د یو میلیارد دالرو بلاعوضه مرستی اعلان کړى اوو.

د امریکا د سنا مجلس نورو غړو حتی د ټولو مرستو بندولو ته هم اشاره وکړه، چې دا به پاکستان ته لویه نظامی او اقتصادی ضربه وی.

پردي سربیره د امریکا په نوي ستراتیژی کي چي د افغانستان لپاره يي اعلان کړه، د پاکستان په وړاندی سخت دریځ غوره کړي. همدارنگه د ملگرو ملتونو په عمومي غونډه کي هم ولسمشر غني او هم ولسشمر ټرمپ پر پاکستان نیوکې وکړي او تري ويي غوښتل چي د ترهگرو په وړاندی جدي گامونه پورته کړي.

پاکستان هم اوس په دې پوه شوی چې که غواړي د امریکا له نظامی او اقتصادي مرستو څخه برخمن پاتې شی، نو باید خپل دریځ ته تغیر ورکړی.

پاکستاني سیاستوال په دې ښه پوهیږي چې له هند سره د امریکا نږدیوالی او د پاکستان انزوا د دې هیواد لپاره ډیره خطرناکه ده.

له یوه پلوه د کشمیر جدايي غوښتونکی او له بله پلوه بلوڅ بیلتون پال به پاکستان د تجزیی په لوری یو گام نور هم نږدی کړی!

که پاکستان فرضاً نړیوالی گوښه والی یا انزوا کې واقع شی، نو دا به د بلوڅو بیلتون پالو لپاره یو طلایی چانس وی چې د افغانستان، هند او حتي د امریکا له اقتصادي او نظامي مرستو څخه ځان برخمن کړي.

د پاکستان سیاسی گوندونه او د دولت سیاسی کړۍ د امریکا دوستې غواړې او حتی دی ته تیار دې چې ترهگر وځپې، اما ددی هیواد نظامې دولت او استخبارات نه غواړې چې ترهگری ډلی څه د افغانستان لپاره جوړی شوی ډلی يعني طالبان او څه هم په کشمیر کې هند ته گواښوونکې ترهگری ډلی وځپی او له ملاتړ څخه یی لاس واخلی!

Leave A Reply