په ډيلي کې د افغاني صادراتو محصولاتو نندارتون وو، نږدې نیم افغان حکومت ورته راغلی و

0 812

په ډيلي کې د افغاني صادراتو محصولاتو نندارتون وو، نږدې نیم افغان حکومت ورته راغلی و، له داکتر عبدالله یې راشروع کړه د ملي شورا تراداري ټيټ پوړیو مامورینو او د اوبو برېښنا وزارت تر کارکوونکو.
څلور ورځې یې دلته تېرې کړې یو نیم به یې لاهم په هند کې په چکرو وي.
د دوو هفتو په دننه کې د شهید اوونۍ رخصتي، د محرم رخصتي او سبا ته د سیمینار رخصتي…….
داخو هم درمالومه ده چې چهارشنبه مامورین نږدې غرمه له دفترونو وځي، شنبه هم تر نورو ورځو ناوخته راځي، چې رخصتي اعلان شي، که یکشنبه وي، شنبه هم لاړه، که سه شنبه وي، چهارشنبه هم لاړه.
اوس نو حساب وکړئ، چې څومره کار کوو څومره لاسته راوړنه لرو او څومره تنخا ورکول کېږي؟
که دقت وشي ددولتي دستګاه د کارکوونکو اوسنی مقدار کار حتا د دولتي عملې د انتقالونکو بسونو د تېلو د مصرف په اندازه هم ندی.
د سړي زړه لا بد شي، چې هره دولتي رخصتۍ کې ښوونځي هم رخصت وي او نیمګړی کال په مکمل تعلیمي کال حسابېږي.
زوړ نسل خو غرق و، خو لګیا یوو نوی نسل هم له ځان سره ډوبوو.

 

اباسین بریال

Leave A Reply