پوتین؛ طالبانو او داعش د افغانستان وضعیت خراب کړی

0 420

د روسیې جمهور ريیس ویلادیمیرپوتین وايي، په افغانستان کې د داعش ډلې حضور او بیا یې له طالبانو سره اختلاف او جګړو د دې هېواد امنیتي وضعیت نور هم خراب کړی دی.
ښاغلي پوتین د روسیې دولت د رهبرانو په غونډه کې په افغانستان کې د ترهګریزو تهدیدونو زیاتېدو ته په اشارې ویلي، دا یو حقیقت دی چې د افغانستان وضعیت خراب شوی او که چېرې دلته امریکايي عسکر نه وای، شاید دا وضعیت نور هم خراب وای.
هغه زیاته کړې، له تاجکستان، ازبکستان او ترکمنستان سره د افغانستان په پوله، طالبان شته او له داعش ډلې سره یې مخامخېدو وضعیت بدتر کړی دی.
دا په داسې حال کې ده چې افغان حکومت او امریکا روسیه تورنوي چې له طالبانو ملاتړ کوي او پرمختللې وسلې یې ورکړې دي، خو روسیې دا تورونه رد کړي دي.

سرخط

Leave A Reply