امریکا د افغان هوایي پوځ لپاره پرمختللې راکټ وړونکې الوتکې اخلي

0 504

د فلایټ ګلوبل ورځپاڼه د امریکا هوایي پوځ پۀ حواله پۀ یوه راپور کې لیکلي، چې تمه ده د امریکا هوایي پوځ د AC-208 Eliminator الوتکو د پېرلو لپاره لۀ Orbital ATK شرکت سره یو تړون لاسلیک کړي.
ددې تړون پر بنسټ به د افغان هوایي ځواکونو لپاره اووۀ Cessna AC-208B Combat Caravan ډَوله جنګي الوتکې برابرې کړي.

د نوموړي شرکت د معلوماتو لۀ مخې AC-208 Eliminator ډَوله الوتکې پر نورو پرمختللو ټکنالوژیو برسېره پر 70mm لارښود شویو توغندیو او Lockheed Martin AGM-114 Hellfire میزایلو هم سنبالې دي.
د افغان هوایي ځواکونو جوړښت به تر ۲۰۲۳۳ میلادي کال پورې لا پراخ شي او د نورو نویو تجهیزاتو لۀ ورکولو سره سره به د دغو ځواکونو شمېر درې برابره ډېر شي.
افغان هوایي ځواکونو پۀ روان کال کې تر اوسه ۵۰۰۰ یرغلیز مأموریتونه ترسره کړي، چې د دښمن پر ضد د افغان ځواکونو پۀ ملاتړ ډېر اغېزمن پرېوتي.
افغان هوایي ځواکونه تر اوسه څلور بلک هاک Black Hawk helicopter ډوله چورلکې ترلاسه کړي او پۀ پام کې ده، چې د راتلونکي کال تر پیل پورې د افغان هوایي ځواکونو اړوند اتۀ منسوبین(پیلوټان) پۀ بشپړ ډول بریدي پروازو ته تیار شي، ترڅو د دښمن پر وړاندې لۀ بلک هاک هلیکوپټرو کال واخلي.

Leave A Reply