په کوټه کې د مړو او ټپيانو شمېر تر ۳۰ واوښت

0 460

نن ماخوستن د بلوچستان په مرکز کوټه ښار کې د پوليسو پر يوه موټر ځانمرګی بريد شوی چې له امله يې تر اوسه پورې د پوليسو په ګډون شپږ تنه وژل شوي او پنځه ويشت نور ژوبل دي.

له سيمې څخه ځينو سرچينو سرخط ته وويل چې بريد د بلوچستان اسامبلۍ په درې سوه مټري کې شوی او خورا تر لېرې لېرې ځايو پورې يې غږ اورېدل شوی دی.

سرچینې وايي، کېدای شي د مړو او ټپيانو شمېر تر دې ډېر زيات شي، ځکه زيات ټپيان د پېښې له ځایه بېلابېلو ځايو ته لېږدول شوي دي.

تر بريد وروسته د کوټې په ټولو روغتونونو کې بېړنی حالت اعلان شوی دی.
تر اوسه د بريد مسووليت کومې ډلې نه دی منلی.

Leave A Reply