د پښتون ژغورنې پاڅوړ په لر او بر کې تاثیر غوړولی / اباسین بریال

0 414

د پښتون ژغورنې پاڅون په لر او بر کې په ځوان او زاړه بې غرضه نسل کې سا پو کړې. هر چېرې چې ګورې په حل لارو فکر کېږي، د خپل درک په اندازه د ستونزو عواملو ته یې خلک متوجه کړي، هر وګړی د خپل چاپېریال ظالم او دېکتاتور د پاکستاني استخباراتو، د ظالمو پوځيانو او طالبانو په څېره کې ګوري او د راپرځولو په لارو یې سوچ کوي.
د پاڅونوالو د ویناوالو هره جمله د استکبار د ډوبولو یو معقول پيغام لېږدوي، هر شعار یې په ظلم اباد شوی دېوال لړزوي.
پاڅونوال دومره سنجیده بیانونه کوي دداسې کره معلوماتو او واقعاتو پر استناد خبره کوي چې له مقابل لوري سره ځواب نشته.
له دې پاڅون ډېر څه زده کېدای شي، حوصله، سنجیدګي، د خلکو تشویق، ځوانه موثره رهبري، د لاریونونو انتظام او په کتار کې منظم تګ…..
دې پاڅون په لر او بر کې تاثیر غوړولی،ما په تېرو لسو ورځو کې له هر ملګري سره چې ناسته کړې د خبرو پيل یې همدا دی، چې له دوی سره څه مرسته کولای شو؟ خپلې خواته څه کولای شو؟
ټول پوهېږي چې که د طالب په بڼه را مخ دي، که دداعش، که د مافیا، که د نشي توکو د سوداګرو، که دجاسوسانو او که د دین د ټېکه دارانو، لکه د ژرندې د اوبو سرکو یې یوه ده پاکستان پاکستان.

Leave A Reply