هلک او جینۍ له کوژدې وړاندې د خبرو او لیدلو حق لري / سرور ستانکزی

0 711

هلک او جینۍ کاملاً حق لري، تر څو له کوژدې مخکې یو بل وویني، خبرې وکړي، خپل افکار سره تبادله کړي او پخپله خوښه د ژوند ملګری/ملګرې انتخاب کړي. دا هغه حق دی؛ چې الله ج خپلو بنده ګانو ته ورکړی، خو بنده پر بنده ظالم شوی او دا حق یې ځنې اخیستی.
الله ج په قرآن کریم کې نرانو ته امر کوي ”بیا په دې لاره کښې خنډ مه پیدا کوئ چې هغوی د خپلې خوښې میړونه انتخاب کړي.“ سورت نمبر ۲ آیت نمبر ۲۳۲.
له پورته ذکر شوي آیت واضح څرګندیږي چې مونږ باید ښځینه طبقې ته د ژوند د ملګري د انتخاب حق ورکړو، خو زه پر دې باوري یم، چې اوس هم زمونږ د ټولنې تر اویا سلنه ډېرو جینکیو څخه دا حق اخیستل شوی.
رسول الله ص فرمایي: ”کله چې ستاسو ترمینځ کوم شخص د کوژدې پلټنه کوي، که امکان یې موجود وو تر څو له کوژدې مخکې جینۍ وویني، نو اجازه د لیدلو ورکړئ!“
له ذکر شوي حدیث هم واضح څرګندیږي، چې هلک د جینۍ د لیدلو حق لري، خو زمونږ د ټولنې وروسته پاته دودونو له اکثریت ځوانانو دا حق اخیستی دی.
هیڅ نه پوهیږم، چې دا وروسته پاته افکار به تر څو پر مونږ عملي کیږي او آخر څه وخت به د دې لپاره کار کوو، تر څو له ریښې یې له مینځه یوسو؟

Leave A Reply