احمد ولي هوتک په افغانستان کې نړیواله ازاده سیالي کوي

0 74

د ازادو سیالیو لوبغاړی احمد ولي هوتک

د ازادو رزمي سیالو یا فري فایټ افغان لوبغاړي احمد ولي هوتک خبر ورکړی چې راتلونکې سیالۍ به یې په افغانستان کې دننه ترسره کېږي.

ښاغلي هوتک ته دوه لوبغاړي چې یو یې د فرانسې او بل یې د برازیل دی وړاندې شوي چې دی به په کې یو وټاکي. د احمد ولي هوتک د پروګرامونو مسؤل وايي، دا به د افغانستان په تاریخ کې لومړی ځل وي چې نړیواله ازاده سیالي پکې ترسره کېږي. ټاکل شوې چې دغه سیالۍ شاوخوا دوه نیمې میاشتې وروسته په کابل کې وشي.

احمد ولي هوتک بي بي سي سره خبرو کې وویل چې څه باندې شل سیالۍ یې بهر کې کړې او غواړي چې راتلونکې سیالۍ کابل کې وکړي.

“په هغه شپه چې زما سیالۍ وي، غواړم د خپلو هېوادوالو په شونډو موسکا وي.”

دی زیاتوي چې له دوه میاشتو راهیسې یې د دې لوبې لپاره تیاری نیولی او غواړي راتلونکې هم ورته ځان چمتو کړي.

د ازادو سیالیو افغان لوبغاړی احمد ولي هوتک
د ازادو سیالیو افغان لوبغاړی احمد ولي هوتک

نوموړي پر خپل فیسبوک پاڼه لیکلي: “دا ځل به د کابل په زړه کې له اروپايي سيال سره مخ کېږم.”

نوموړي ویلي، په کابل کې یې د ازادو سیالیو سازمان یا TGFC سره د دې سیالۍ تړون لاسلیک کړی او ټاکل شوې چې د فبرورۍ په یولسمه په یوه معیاري رینګ کې ترسره شي.

ښاغلي هوتک ویلي، د دې لوبې یوه برخه عاید به هغو بېوځلو ته وویشي چې په ژمي کې سرپناه نه لري.

bbc.com/pashto

Leave A Reply

Your email address will not be published.