د لوړې له مراسمو یوه ورځ وروسته د اجراییه ریاست ودانۍ تخلیه کېږي

0 409

د ولسمشر محمد اشرف غني د لوړې له مراسمو یوه ورځ وروسته، د اجراییه ریاست د لغوې فرمان صادر او ودانۍ به یې ټوله تخلیه شي.

باوري سرچینو د نوم نه ښودلو په شرط وویل، د اجراییه ریاست د لغوې فرمان د ولسمشر غني لخوا لاسلیک شوی هم دی او یوازې د لوړې مراسمو ته انتظار باسي.

د سرچینې په خبره، ډېر احتمال شته چې د اجراییه ریاست ودانۍ ولسمشر غني خپلو سترو سلاکارانو ته ورکړي.

سرچینه وايي، د کابینې پر جوړولو هم کار روان دی او ولسمشر غني د لوړې مراسمو لپاره د خپلې وینا متن هم برابر کړی دی.

د لوړې مراسمو کې به د یو شمېر هېوادونو مشران او سفیران برخه ولري.

Leave A Reply

Your email address will not be published.