حکمتیار د کشمیر په مسئله کې د پاکستان ننګه وکړه

0 183

د حزب اسلامي مشر ګلبدین حکمتیار د کشمیر په تړاوو په کابل کې د پاکستان سفارت په یوې ویډیویي غونډه کې برخه اخیستې او د پاکستان ملاتړ یې کړی دی.

کابل کې د پاکستان سفارت د حکمتیار له قوله خپاره کړي دي، چې نوموړي د کشمیر په تړاوو د هند وروستیو اقداماتو ته کلک غبرګون ښودلی او د پاکستان کلک ملاتړ یې کړی دی.

د نوموړي له قوله لیکل شوي دي: «هند باید د افغانستان له جهاد درس واخلي او په دې دې پوه شي چې نظامي اقدامات د حللار نه ده. د کشمیر د موضوع یوازينۍ حللار د کشمیر ازاد پريښودل دي.»

پاکستان هم د کشمیر په تړاوو دقیق همدا نظر لري او څو ورځې وړاندې یې پخپله سیاسي نقشه کې کشمیر هم د خپل هېواد برخه ګرځولې ده.

پاکستان د سپټمبر ۵ د تورې ورځې په توګه نمانځي او یو کال وړاندې په همدې ورځ هند کشمیر خپله خاوره وبلله او دغه سیمه یې د خپل هېواد په نقشه کې زیاته کړه.

ګلبدین حکمتیار داسې مهال د کشمیر په مسئله کې د پاکستان ملاتړ کوي، چې بار، بار پر ختیځو ولایتونو د پاکستان د راکټي بریدونو په تړاوو چوپه خوله دی.

Leave A Reply