چمن کې د تېرې ورځې د چاودنې خلاف پراخ لاریون وشو

0 126

چمن کې پرلپسې پر پښتنو د استخباراتي کړیو له لوري د چاودنو په غبرګون کې پراخ لاریون ترسره او په کې د پاکستاني ریاست خلاف شعارونه ورکړل شول.

پرلپسې دغلته په چاودنو کې د ماشومانو او مېرمنو په ګډون ګڼ عام خلک ووژل شول. په اګست میاشت کې دغو بریدونو زور اخیستی او همدا پرون د چمن په مال روډ په یوې چاودنه کې ۱۵ کسانو ته مرګ ژوبله واوښته.

د دې چاودنو او روان وضعیت په غبرګون کې د ال پارټیز او پښتون ژغورنې غورځنګ له لوري لوی اعتراضي لاریون وشو او په کې خبرداری ورکړل شو چې پاکستاني حکومت دې د خپلو هغو کړیو مخه ونیسي، چې دغلته عام خلک وژني.

تېره ورځ ګڼو پښتنو ملتپالو د دغو بریدونو تر شا د پاکستاني استخباراتو لاس وباله او هغوی یې تورن کړل چې د پښتنو په وینه سوداګري کوي.

Leave A Reply