دوو میاشتوکې به د جبل السراج سمنټو فابریکې تولیدات څلور برابره شي

0 116

د ملي پراختیا شرکت وایي، دا مهال د جبل السراج فابریکې د ترمیم اوبیارغاونې چارې ۶۵ سلنه ترسره شوي او دوو میاشتو کې به بشپړې شي.

د یاد شرکت د تولیداتو د همغږۍ او پراختیا رئیس وحیدالله رحمدل وایي، د یادې فابریکې د ترمیماتو د چارو په بشپړېدو سره به یې تولیدات څلور برابره زیات شي.

د یاودنې وړ ده چې تېر کال د یادې فابریکې چارې حکومت ملي پراختیا شرکت ته وسپارلې او دا مهال د دې شرکت د کیفیت او تولیداتو پر زیاتوالي جدي کار روان دی.

دغه فابریکه په ۱۳۳۷ کال کې جوړه شوې او هغه مهال به یې هره ورځ ۱۰۰ ټنه سمنټ تولیدول او بیا د کورنیو جګړو پر مهال خرابه شوه.

دا مهال یې بېرته د رغاونې چارې روانې دي او همدا اوس په کې شاوخوا ۲۰۰ تنه په کار بوخت دي او په اونۍ کې د ۲۱۹ ټنه سمنټو د تولید وړتیا لري او راتلونکو دوو میاشتو کې به یې د تولیداتو اوسنۍ کچه څلور برابره شي.

Leave A Reply