د پاکستان پوځ پر ډیورنډ کرښه د افغان ځواکونو نظامي مانور د اندېښنې وړ وباله

0 457

د پاکستان د پوځ یو چارواکي ویلي، د ننګرهار ولایت ګوشته ولسوالۍ کې د افغان ځواکونو د تېرې ورځې پوځي تمریناتو اندېښمن کړي یوو.

ډیورنډ کرښې ته څېرمه د افغان ځواکونو د تېرې ورځې له پوځي تمریناتو دغه اندېښنه د پاکستان د پوځ چارواکي د سماء ټلویزیون په خبري ټولګه کې د هغه راپور پر مهال څرګنده کړې، چې د اغزن تار په تړاو جوړ شوی وو.

د پاکستان دغه پوځي چارواکي ویلي، د افغان ځواکونو دغه ډول اقدامات به لانجې لا زیاتې کړي.

د هغه په خبره، پاکستان به په دې تړاو خپل اعتراض ډېر ژر له افغان حکومت سره رسمآ شریک کړي.

دا په داسې حال کې ده، چې تېره ورځ سلګونه افغان ځواکونو ډیورنډ کرښې ته څېرمه د ننګرهار ولایت ګوشتې ولسوالۍ کې پوځي مانور اجرا کړ.

دې مانور کې د پوځ لوی درستیز یاسین ضیا او ځينو نورو نظامي لوړ پوړیو چارواکیو ګډون کړی وو

Leave A Reply