ولسمشر: د مهمو سیمه ییزو موضوعاتو په اړه هند سره مشورو ته دوام ورکوو

0 146

ولسمشر غني د هند لومړي وزیر او د هغه هيواد جمهوررئیس ته په جلا پیغامونو کې د هند د خپلواکۍ ورځې مبارکۍ پیغام کې ویلي، افغانستان به مختلفو موضوعاتو کې له هند سره خپلو مشورو ته دوام ورکړي.

په دې پیغامونو کې راغلي: خوښ یم چې افغانستان او هند تل د پراختیا او د خپلو دوستانه اړیکو د پیاوړتیا لپاره ګټورې هڅې کړې دي او هند د نږدې دوست په توګه د افغانستان د لاسته راوړنو او پرمختګونو ملاتړ کړی او له هېڅ ډول همکاریو یې دریغ نه دی کړی.

همداراز جمهوررئیس غني د مبارکۍ دې پیغامونو کې لیکلي دي: د افغانستان خلک له هند او د هغه هیواد خلکو سره په خوښۍ د دوستۍ او خپلو نېکو او ښو اړیکو یادونه کوي او ترې خوښ دي.

جمهوررئیس زیاته کړې، د افغانستان دولت هند جمهوریت خپل نږدې ستراتېژیک او متحد بولي او د دواړو هیوادونو ترمنځ د اړیکو د لا زیاتې پراختیا او له دې هیواد سره په مهمو سیمه ییزو موضوعاتو کې به خپلو مشورو او همغږۍ ته دوام ورکړي

Leave A Reply