د غازي امیر امان الله خان په مزار د ګلونو ګېډۍ کېښودل شوه

0 193

په ننګرهار کې د غازي امان الله په مزار د ګلونو ګېډۍ په ایښودو سره په رسمي ډول د خپلواکۍ ورځې نمانځل پیل شول.

په دې مراسمو کې د ننګرهار سرپرست والي تميم عارف مومند د خپلواکۍ د اتل شاه غازي امان الله خان په مزار د ګلونو ګیډې کېښودلو او د هغه روح ته د دعا لاسونو لپه کولو وروسته رسنيو سره د خبرو پر مهال، د خپلواکۍ د ۱۰۱ کلیزې په مناسبت د هغه د ارمانونو پوره کېدو لپاره د حکومت د بشپړ تیاري ډاډ ورکړ.

نوموړي له ننګرهار مېشتو وغوښتل، چې د خپلواکۍ بېرته ګټلو ۱۰۱ کلېزې په وياړ په ښار او ولسواليو کې جوړو شويو مراسمو کې ګډون وکړي او په دې سره د ازادۍ ګټونکو اتلانو او شهيدانو روح ته افتخار وبښي.

د ۲۰۱ سیلاب قول اردو قوماندان بريد جنرال شفيق الله رسولزي هېوادوالو ته د خپلواکۍ ۱۰۱ کليزې مبارکۍ ويلو ترڅنګ د امنيت په ټينګښت کې د دفاعي ځواکونو بشپړ چمتووالی وښود.

Leave A Reply