په کابل ښار راکټي بریدونو کې ۷ ملکیان ټپیان شوي

0 149

 نن سهار له مختلفو ناحیو په کابل ښار ۱۳ راکټونه ویشتل شوي او ټول په ملکي سیمو لګېدلي چې د ماشومانو او مېرمنو په ګډون په کې ۷ ملکیان ټپیان شوي دي.

د دې راپور پر اساس، ټول ۱۳ راکټونه ویشتل شوي چې یو په اتمې ناحیې کې لګېدلی او یو نفر په کې ټپي دی، درې راکټونه په لسمه ناحیه کې په شېرپور، د وزیراکبرخان پنځلسم سړک او قلعه موسی کې لګېدلي او یو ملکي کس په کې ټپي دی، یو راکټ د شپاړسمې ناحیې په زړو مکروریانو کې لګېدلی او یو ملکي کس په کې ټپي دی.

د دې راپور پر اساس، څلور راکټونه د لومړۍ ناحیې په شوربازار او د عیدګاه او میوند جادې په محوطه کې لګېدلي او په شوربازار سیمه کې دوه ماشومان ټپیان شوي دي.

همداراز درې راکټونه په دویمه ناحیه کې د اندرابیانو، قول ابچکان او ملي دفاع وزارت په محوطه کې لګېدلي او په اندرابي کوڅه کې ۲ ماشومان ټپیان دي.

دغه راز یو راکټ د نهمې ناحیې په شش درک سیمه کې لګېدلی او تلفات نه لري.

په ورته مهال ملي دفاع وزارت ویلي، په ده سبز ولسوالۍ کې یې په بختیاران سړک کې ځای پر ځای شوي نور څو راکټونه خنثی کړي او طالبان یې د دې راکټي بریدونو مسوول بللي دي.

Leave A Reply