افغانستان د فساد په درجه بندۍ کې مثبت پرمختګ او پاکستان شاتګ کړی

0 1,222

د شفافیت نړیوال سازمان د ۲۰۲۰م کال په خپل تازه رپوټ کې ویلي چې افغانستان هم د هغو هیوادونو په ډله کې دی چې د فساد په برخه کې یې مثبت پرمختګ کړی دی. دغه سازمان وايي چې فساد د کرونا پر وړاندې مبارزه هم اغیزمنه کړې ده.

نن د پنجشنبې په ورځ (د ۲۰۲۱م کال د جنوري میاشتې په ۲۸مه نیټه) د شفافیت نړیوال سازمان یا ټرانسپرنسي انټرنیشنل د ۲۰۲۰م کال اړوند په خپل کلني تازه رپوټ کې په نړیواله کچه د فساد پر وړاندې د مبارزې له مخې د هیوادونو درجه بندي اعلان کړې ده. د دغه سازمان د ارزونو په اساس د ۲۰۱۹م کال په څیر نیوزیلنډ او ډنمارک بیا هم په لومړي مقام کې دي او جنوبي سوډان او سومالیا یو ځل بیا په نړیواله کچه تر ټولو ډیر په فساد ککړ هیوادونه دي.

دغه سازمان په خپل رپوټ کې ویلي چې په نړیواله کچه فساد د کرونا وبا پر وړاندې مبارزه له ستونزو سره مخامخ کړې او د کرونا وبا د کړکیچ پرمهال فساد د ولسواکۍ پر وړاندې هم ستونزې زیږولي دي.

د دغه سازمان په حواله، هغه هیوادونه چې د فساد په نړیواله درجه بندي کې په لومړیو مقامونو کې دي، هغوی د روغتیا په برخه کې زیاته پانګونه کړې او د دې وبا سره په مبارزه کې هم غښتلي هیوادونه دي.

افغانستان او د فساد په درجه بندۍ کې مثبت پرمختګ

د شفافیت د نړیوال سازمان په حواله، د ۲۰۱۲م کال راهیسې ۲۶ هیوادونو د فساد پر وړاندې په مبارزه کې ډیر پرمختګ کړی دی. د دغه رپوټ په حواله د نورو هیوادونو په پرتله ایکوادر، یونان، ګویانا، میانمار او جنوبي کوریا د فساد په وړاندې ډیر مثبت پرمختګ کړی دی او شاوخوا ۲۰ هیوادونو بیا د فساد پر وړاندې مبارزه کې شاتګ کړی دی.

د دغه سازمان د درجه بندۍ په اساس، افغانستان په ۲۰۱۹م کال کې د فساد په درجه بندۍ کې ۱۷۳م مقام درلود او سږ کال یې مثبت پرمختګ کړی دی. د دغه سازمان په اساس، افغانستان سږ کال تر اتو هیوادونو مخکې شوی او په ۲۰۲۰ کال کې بیا ۱۶۵م مقام خپل کړی دی.

د شفافیت د نړیوال سازمان په حواله، پاکستان په ۲۰۱۹م کال کې ۱۲۰ ځای کې وو خو په ۲۰۲۰م کال بیا د فساد په نړیواله درجه بندي کې شاتګ کړی دی او ۱۲۴م مقام یې خپل کړی دی.

دوچه ویله

د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه

د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :

Support Dawat Media Center

If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320

Leave A Reply