د پاکستان اعتراف؛ قریشي وايي افغانستان کې نور د طالبانو ملاتړ نه کوو

0 835

پاکستان په سیمه کې د سوله ييز افغانستان غوښتونکی دی او نه غواړي، چې یاد هېواد کې دې یو ځل بیا جګړې زور واخلي.
د ولسمشر محمد اشرف غني ځانګړی استازی محمد عمر داودزی تېره ورځ پاکستان ته تللی او هلته یې د پاکستان د بهرنیو چارو د وزیر په شمول له یو شمېر چارواکو سره لیدلي.
نوموړي پر خپله فیسبوک پاڼه لیکلي، چې د پاکستان له چارواکو سره یې، پر افغان سوله، د دوحې د خبرو پر چټکتیا، دوه اړخېزو اړیکو او نورو مسائلو خبرې کړي دي.
بل طرف بیا د پاکستان ډان ورځپاڼې لیکلي، چې د پاکستان د بهرنیو چارو وزیر شاه محمود قریشي په دې ليدنه کې ویلي، چې پاکستان په سیمه کې د یو باثباته افغانستان غوښتونکی دی او نه غواړي نور په دغه هېواد کې د جګړه مارو ډلو ملاتړ وکړي.
نوموړي یادې څرګندونې داسې مهال کړي، چې تېره ورځ د پاکستان د پوځ ویاند افتخار بابر هم ویلي وو، چې پاکستان نور نه غواړي، په افغانستان کې دې د جګړې لپاره د طالبانو ملاتړ ته دوام ورکړي.

Leave A Reply

Your email address will not be published.