په ننګرهار کې د انعکاس ټلوېزیون درې کارکوونکې وژل شوي

0 811

چارواکي وايي چې نن مازیګر شاوخوا څلور بجې د جلال اباد ښار په لومړۍ ناحیه کې د انعکاس خصوصي تلوېزیون پر ښځینه کارکوونکو وسله وال برید شوی او درې تنې پکې وژل شوي او یوه بله ټپي شوې ده.

په ننګرهار کې یوې معتبرې حکومتي سرچینې ویلي دي چې د انعکاس تلوېزيون درې تنې کارکوونکې، مرسل، سعیده او شهناز په یوه وسله وال برید کې وژل شوي او یوه بله ولسي مېرمن ژوبله ده.

سرچینې زیاته کړې ده چي د انعکاس تلوېزیون دغه کارکوونکې له دفتره کور ته پر لاره وې، چې پلي وسله والو پرې برید کړی دی. ویل شوي چي دا درې واړه د انعکاس تلوېزیون د دوبلې برخې کارکوونکې وې.

د ننګرهار سیمه ایز روغتون ویاند ګلزاده سنګر وايي چې دوی ته د درو خبریالانو جسدونه او یوه ژوبله مېرمن وړل شوې، چې د ژوبلې روغتیایي حالت هم ښه نه دی. د پيښې مسؤلیت لا تر اوسه چا پر غاړه نه دی اخیستی.

ځایي چارواکو ویلي دي چې د انعکاس پر دوو کارکوونکو یو برید د جلال اباد ښار په بنګړیوالو کوڅې او د درېیمې قصبې په سیمه کې شوی دی.

څو شېبې وړاندې انعکاس تلوېزیون هم په یوه بېړني خبر کې د خپلو درو ښځینه کارمندانو د وژل کېدو خبر خپور کړی دی.

په سیمه کې عیني شاهدانو رسنیو ته ویلي دي چې وسله والو د انعکاس تلوېزیون درې واړه کارمندانې پر سر وویشتلې او له سیمې وتښتېدل.

څه کم درې میاشتې مخکې هم د ننګرهار په مرکز جلال اباد کې د انعکاس تلوېزیون د خپرونو ویانده او ژوناليسته ملاله میوند هم په یوه وسله وال برید کې وژل شوې وه.

سږ کال په افغانستان کې د خبریالانو له پاره تر ټولو خونړی کال و. په افغانستان کې په تېرو شاوخوا شپږو میاشتو کې نیږدې لس خبریالان او د رسنیو کارکوونکي وژل شوي دي.

دویچه ویله

د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه

د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :

Support Dawat Media Center

If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320

Leave A Reply