د مسکو غونډه له قطر سره رقابت نه دی

0 506

د روسيې د بهرنيو چارو وزير ويلي دي چي په مسکو کي د افغانستان په اړه غونډه له قطر يا نورو هيوادونو سره رقابت نه دی.

 د روسيې د بهرنيو چارو وزير سيرگي لاوروف د پنجشنبې په ورځ (۲۰۲۱م کال د مارچ ۱۱) په يوه خبري غونډه کي وويل چي په مسکو کي د افغانستان په اړه غونډه له قطر يا نورو هيوادونو سره رقابت نه دی.

لاوروف د ترکيې او قطر د بهرنيو چارو وزيرانو مولوت چاووش اوغلو او محمد بن عبدالرحمن آل ثاني سره په گډ خبري کنفرانس کي وويل: «موږ ټول علاقه مند يوو چي د افغانستان غميزه هرڅومره ژر چي کيږي پای ومومي.»

هغه وويل: «دا د يموکراتيک سازۍ د پايلو يوه بله نمونه ده چي غير سيمه ايز هيوادونه هڅه کوي چي په عمل کي يې پياده کړي.»

تر دې دمخه هم په مسکو یوه غونډه شوې وه چې افغان سیاستوالو او د طالبانو استازو پکې ګډون کړی وو

د روسيې د بهرنيو چارو وزير سيرگي لاوروف زياته کړه: «موږ دلته له قطر يا بل هر څوک چي وي، سره رقابت نه کوو. موږ دلته له هغه دريځه خبري نه کوو چي کيدای سي د حسادت شک دي پرې وسي.»

لاوروف ټينگار وکړ په داسي حال کي چي د دوحې په مذاکراتو کې ستونزي پر ځای پاته دي، پر قطر باندي هغه تور چي گويا د دوحې د خبرو اترو د جوړيدو په دليل غواړي د بين الافغان جوړجاړي په برخه کي «بړستنه يوازي پر خپل مخ کش کړي»، ناقص منطق لري.

هغه وويل چي د قطر له امير او بهرنيو چارو له وزير سره يې په همدې اړه خبري وکړي، چې دوی غواړي د دغو خبرو اترو د دوام په برخه کي رغنده رول ولري.

لاوروف وويل: «د مسکو غونډه چي د امريکا، چين او روسيې په گډون جوړيږي پکښي د ايران، پاکستان او افغان چارواکو ته هم د گډون بلنه ورکړل سوې ده. په دغه غونډه هيڅ ډول پريکړي نه کيږي.»

ویل کیږي چې د مسکو غونډه به د رواني میلادي میاشتي پر اتلسمه نېټه راوبلل سي، خو تر اوسه پورې دغه نېټه رسمي نه ده اعلان سوې.

دویچه ویله

د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه

د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :

Support Dawat Media Center

If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320

Leave A Reply