د پيسو له پاره د ۲ زامنو پر قتل د ۲۱۲ کلن بند سزا

0 630

د امريکا د متحده ايالاتو په کليفورنيا ايالت کي يوې محکمې هغه مصري پلار ته د ۲۱۲ کالو د بند سزا واوروله چي د بيمي د پيسو ترلاسه کولو له پاره يې خپل دوه معذور زامن وژلي ول.

کوم کس ته چي تر ۲۰۰ کالو څخه د زيات بند سزا اورول سوې ده، د هغه عمر ۴۵ کاله دی او په اصل کي له مصر هيواد څخه دی. د علي الميزائن په نوم دغه کس د خپلي کورنۍ سره د امريکا په متحده ايالاتو کي مقيم دی.

د محکمې د دوسيې له مخي علي الميزائن په ۲۰۱۵ کال د اپريل په مياشت کي خپله پخوانۍ مېرمنه او دوه زامن چي د آوټيزم ناروغي يې لرله د ځان سره موټر کي روان کړل. هغه دغه موټر د لاس انجلس په سويل کي د سان پيدور په نوم ځای ته و يو ساحلي سړک ته بوتلی او په قصد سره يې د موټر چلولو پر وخت دغه موټر اوبو ته واچاوه.

تورن کس پخپله په لامبو له اوبو وتلی ؤ. د هغه پخوانۍ مېرمنه بيا د ځايي يو سړي له خوا ژغورل سوې وې. دغه ځايي سړي ليدلي ول چي موټر اوبو ته ولوېد نو يې د ژغورنې ټاير و مېرمني ته ورغورځولی ؤ. په دې توګه دغه مېرمنه ژوندۍ پاته سوه.

خو په دغه پېښه کي د آوټيزم ناروغۍ لرونکي د علي الميزاين دوه زامن چي عمرونه يې ۸ او ۱۳ کاله ؤ، ډوب سول. علي الميزاين د دغو دوو زامنو له پاره تر مخه د بيمې قرارداد کړی ؤ او د هغوی د مرګ وروسته يې له بيمي څخه ۲۶۰ زره ډالره ترلاسه کړي ول.

دغه سړي له بيمې څخه تر لاسه سوو د پيسو زياتره برخه و مصر ته انتقال کړې وه. کله چي هغه د پوليسو لخوا ونيول سو نو د هغه د امريکا په بانکي حساب کي ۸۰ زره ډالره پاته ول چي د چارواکو له خوا ضبط کړل سول.

د جان والټر په نوم قاضي و تورن مصري ته د ۲۱۲ کالو د بند سزا واوروله. د قاضي په فيصله کي د دغه زيات قيد وجه د ملزم له خوا د سخت زړه ډېر لوی جرم تر سره کول بلل سوي دي.

دویچه ویله

د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه

د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :

Support Dawat Media Center

If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320

Leave A Reply