افغانستان – په یوه کال کې ۵۰۰ هدفي وژنې شوي

0 655

د کورنيو چارو وزارت وايي چې په ۱۳۹۹ کال په افغانستان کې له ۶ زرو ډیر ملکي کسان وژل شوي او ټپیان شوی دي. دغه وزارت ادعا کړې چې دغه ملکيان د طالبانو په ځانوژونکو حملو، بمي چاودنو او هدفي وژنو کې وژل شوي او ټپیان شوي دي.

د افغانستان د کورنیو چارو وزارت د ۱۴۰۰ لمريز کال په لومړۍ ورځ، د طالبانو په بریدونو کې ملکيانو ته د اوښتو تلفاتو ارقام خپاره کړي دي.

د دغو ارقامو له مخې، د تیر لمريز کال په جریان کې نژدې ۲۰۰۰ ملکيان وژل شوي او ۴۱۷۴ تنه نور ټپیان شوي دي.

د افغانستان د کورنيو چارو وزارت ویاند، طارق آرين پر خپله فیسبوک پاڼه لیکلي چې دغه ملکيان په ۹۲ ځانوژونکو حملو، ۲۱۷۴ بمي چاودنو او د هدفي وژنو په څه باندې ۵۰۰ بریدونو کې وژل شوی او ټپیان شوي دي.

آرین وايي، دا د طالبانو يوازې د ۱۳۹۹م کال په جریان کې د ترسره شوو جنایتونو يوه برخه ده: «خلک او تاریخ به د طالبانو دغه وژنې او جنګي جنایتونه هیر نه کړي.»

طالبانو  تر اوسه په دې اړه څه نه دي ويلي. خو په قطر کې د دغې ډلې د سياسي دفتر وياند محمد نعیم تيره ورځ پر ټويټر ليکلي وو چې په تيرو درو اونیو کې حکومتي ځواکونو پر ملکي خلکو ۵۷ بریدونه کړي دي. نعيم زياته کړې چې «دغو بریدونو ۹۶ تنه هيوادوال شهیدان او ټپیان کړي دي.»

د اکثرو دغه ډول حملو مسئوليت د کومې ډلې او یا د اشخاصو او افرادو له لوري نه دی منل شوی خو حکومت يې د طالبانو کار بولي

د يکشنبې په ورځ، د ۱۴۰۰م لمريز کال په لومړۍ نيټه، په ننګرهار ولایت کې څلور پر له پسې چاودنې وشوې. د ځايي چارواکو په وینا، په دغو چاودنو کې د ښاروالۍ د تنظيف يو کارکونکی وژل شوی دی. د کابل پولیسو هم خبر ورکړی چې د دوو خونړیو پيښو مخنيوی يې کړی دی.

د کابل پولیسو په يوه اعلاميه کې ويلي دي چې تروريستانو د کابل ښار په دريمه ناحيه د غازي لیسې ترڅنګ د «۸۲ملي متري توپ» دوه ګولۍ د نوي کال په لومړۍ ورځ د حملې په موخه ځای پرځای کړي وې چې د پولیسو له خوا کشف او شنډې کړل شوې.

د افغانستان حکومت او طالبانو د استازو تر منځ تيرکال د سولې بین الافغاني خبرې اترې پیل شوې، خو دغو خبرو سره جوخت په کابل او اکثرو ولایتونو کې تاوتریخوالو هم زور واخیست.

په دغې موده کې خلک د بل هر وخت په پرتله د بمي چاودنو او هدفي وژنو څخه په تنګ راغلي. په دې لړ کې يو شمیر  مدني فعالان، قاضیان، څارنوالان، د رسنیو کارکوونکي او خبریالان هم په نښه شوي دي.

د رپوټونو پر اساس، د اکثرو دغه ډول حملو مسئوليت د کومې ډلې او یا د اشخاصو او افرادو له لوري نه دی منل شوی، خو د افغانستان حکومت يې مسئوليت د طالبانو پر غاړه وراچوي، هغه ادعا چې طالبان يې ردوي.

دویچه وله

د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه

د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :

Support Dawat Media Center

If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320

Leave A Reply