سږ کال به ننګرهار کې ۶ زره کېلو ګرامه ورېښم تولید شي

0 129

ننګرهار کې یو شمېر دهقانانو ته د ورېښمو چینجي ورکړل شوي، چې راتلونکي کال به شاوخوا ۶ زره کېلو ورېښم تولید کړي.

د ننګرهار ولایت مقام وايي، چې د کرنې ریاست په چوکاټ کې د RAADA پروژې له لوري په کامې او کوز کونړ ولسوالیو کې ۲۰۰ دهقانانو ته د ورېښمو چینجي ورکړل شوي، چې راتلونکي کال به له ۴ زرو څخه تر ۶ زرو کېلو ګرامه ورېښم تولید کړي.

د یاد ولایت د کرنې او مالداري رئیس انعام الله ساپی وايي، چې د کوز کنړ ولسوالي کې ۳۵۰۰ د چینايي توتانو ونې کرل شوي او همداشان ۱۵۰۰ د توتانو نیالګي د ورېښمو چینجیو روزونکو ته ورکړل شوي، چې د چینجیو د تغذیې او ودې په پار ترې ګټه واخلي.

باید یاده شي، چې تېر کال  په ټول ننګرهار کې له ورېښمو چنجیو څخه ۶۰۰ کېلو ګرامه ورېښم تر لاسه شوي وو.

Leave A Reply

Your email address will not be published.