طالبانو د هلمند کندهار لویه لار پر ماینونه پوښلې

105

طالبانو د هلمند کندهار لویې لارې په اوږدو کې بمونه ځای پر ځای کړی او یاده لار یې د مسافرو پر مخ تړلې ده.

ځايي سرچینو ویلي، چې طالبانو له نن سهار راهیسي د هلمندـ کندهار پر لویه لار د ماینونو خښول شروع کړي او مسافر یې هم له تګ راتګ منع کړي دي.

په ورته مهال بیا د هلمند امنیه قومنداني مسؤلین وايي، چې اوس مهال افغان ځواکونو طالبان له یادې لارې تېښتې ته اړ کړي؛ خو د بمونو شنډول وخت ته اړتیا لري او افغان ځواکونو هڅې پیل کړي، ترڅو د طالبانو له لوري اېښودل شوي ماینونه شنډ او لار د مسافرو پر مخ پرانیزي.

باید یاده شي، چې دا لومړی ځل نه دی، چې طالبان پر لویو لارو کې ماینونه خښوي؛ بلکې یادې ډلې تر دې وړاندې هم په لویو لارو کې ګڼ شمېر ماینونه ځای پرځای کړي وو، چې اکثره قربانیان یې ملکي وګړي دي.

Comments are closed.