ګارډین: د پاکستان له ملاتړ پرته ترهګر سر نه شي پورته کوی

132

له افغانستان څخه د امریکايي ځواکونو له وتلو وروسته که په یاد هېواد کې ترهګرې ډلې وده کوي؛ نو مانا یې دا ده، چې پاکستان یې ملاتړی دی.

ګارډین ورځپاڼې له افغانستان څخه د امریکايي ځواکونو په اړه خپره کړې مقاله کې ویلي، چې که له ترهګرو ډلو سره د پاکستان ملاتړ نه وي؛ نو دا ډله افغانستان کې د جګړې توان نه لري.

ورځپاڼه وړاندې لیکي، چې امریکا باید افغانستان کې د ترهګرو ډلو د ځپلو لپاره له افغان حکومت سره دوامدارې مرستې وکړي، ترڅو یاده ډله بیا سر راپورته نه کړي.

ګارډین زیاتوي له افغانستان څخه د امریکايي ځواکونو وتلو ته په اشارې لیکلي دی، چې امریکا افغانستان کې خپل هدف ته ورسېده؛ خو اوس په داسې حال کې ځواکونه باسي، چې طالبان او القاعده بېرته د قوي کېدو په حال کې دي.

که څه هم څو ځله پاکستاني مشرانو د افغان سولې پروسه کې د مرستو او همکاریو خبره کړې؛ خو تېرو شلو کلونو کې یاد هېواد د افغان حکومت یو وړاندېز هم نه دی منلی او لاهم یاد هېواد ترهګرو ته د پټنځاینو د ورکولو له کبله د ملګرو ملتونو په خړ لیست کې پروت دی.

اوس پوښتنه دا ده، چې د امریکايي ځواکونو له وتلو وروسته به پاکستان له طالبانو سربېره نورو کومو ډلو سره افغانستان کې د جګړې په موخه مالي او نظامي پانګونه وکړي؟

Comments are closed.