پنټاګون: د سرتېرو د وتلو بهیر ۱۲ سلنه بشپړ شوی

145

له افغانستان څخه د امریکايي سرتېرو وتلو پروسه له ۶ تر ۱۲ سلنه بشپړ شوې ده.
د پنټاګون ویاند جان کربي په خپلو تازه څرګندونو کې ویلي، چې دوی د طالبانو د بریدونو پر وړاندې خپل بشپړ تدابیر نیولي او هڅه کوي، چې خپل سرتېري په خوندي توګه؛ له افغانستان څخه وباسي.
نوموړي ویلي، که چېرته بیا هم د طالبانو له لوري پر دوی بریدونه وشي؛ نو دوی پوره چمتوالی لري، چې ځواب ورکړي.
باید یاده شي، چې طالبانو کندهار کې پر امریکايي سرتېرو بریدونه کړي و؛ خو د امریکا له جدي ځواب سره مخ شول.
دغه راز د امریکا دولت په ځانګړې توګه پنتاګون په بار بار طالبانو ته ګواښ کړی، چې پر دوی دې بریدونه نه کوي او اجازه دې ورکړي، چې خپل سرتېري په خوندي توګه له افغانستان څخه وباسي.
طالبان هم په خپل منځي اختلافاتو کې اخته دي او پر ملکي وګړو یې خپلو بریدونو ته زور ورکړی دی.

Comments are closed.